Outra vez...KEN ROBINSON.

Xa vos falei noutras ocasións de Sr Ken Robinson. Nesta ocasións quero presentarvos unha  conferencia  titulada "como escapar del valle de la muerte de la educación".

Entre outras ideas  explica que " os maestros son o alma do éxito das escolas" e que "ensinar é unha profesión creativa na que un bo maestro transmite, guia, estimula, provoca e involucra".  

Moitas das suas ideas deberían ser escoitadas e sobre todo levadas a práctica , como que " Fomentar o desenrolo profesional non é un gasto, é unha inversión. E todo país próspero o sabe".

 Cando teñades 20 minutiños recoméndovos que lle botedes un vistazo a esta charla, entretida e moi instructiva.

 

PIXTON, crear comics .

Os comics son una forma  ideal de comunicación para os nenos, incluen textos sinxelos e imaxenes. Para min a hora de aplicar nas clases sempre tiñan o inconveniente dos debuxos. En moitas ocasions o alumnado non debuxa ben, utilizar imaxenes de revistas resulta dificil atopar o que un quere e rematas facendo a historia en función das imaxenes e das posturas.
O mes pasado nas I xornadas para coordinadores abalar descubrin esta aplicación online, pixton.
Pixton é unha sinxela pero moi poderosa aplicación para crear comics e logo publicalos. Ten multitude de personaxes, aos cales , aquí ben a novidadade, permite mover, colocar en diferentes posturas e por suposto cambiar expresións faciais, colores...
Ten multitude de plantillas predeterminadas, aínda que podemos crearalas ao noso gusto.


Proposta didactica: O alumnado en pequenos grupos poden crear un guión dunha temática proporcionada polo profe (social, deportiva, dunha nova ou acontecemento...), e logo crear o comic en PIXTON. Non olvidedes que o principal é o proceso, como facer un guión, como contar unha historia, escoitar as opinións dos compañeiros, organizarse no proceso de creación, ter diferentes papeis dentro do grupo e cumplir cada un co que lle toque, procurar un resultado no que se comunique o que se pretende...

Animacións en 2D

As veces é necesario sorprender ao alumnado para que preste atención. Unha posibilidade é facer unha pequena animación. Wideo é unha plataforma online que permite a realización das nosas animacións en 2D sen necesidade de ter coñecementos técnicos, permitindo usar e subir figuras, animar personaxes, fondos, engadir sons ou a nosa propia voz...

Unha idea é que eles mesmos fagan as súas propias animacións, en grupiños, poden escribir un conto, crear os diálogos, debatir como se debe mover os personaxes, como debe ser o diálogo e crear unha animación....
Que vos parece? 


Aquí tendes un titorial

Uso das novas tecnoloxías por idades.

  Atopei no Twitter, unha recomendación de peos sobre o uso das TIC no nenos. Neste caso a Asociación Francesa de Pediatría Ambulatoria (AFPA) fai unha recomendación por idades para integrar as novas tecnoloxías no entorno dos rapaces.

Chámanlle a REGRA  3-6-9-12, que sinala como introducir as TIC e cando facelo.

 

Antes dos 3 anos.

O neno, a estas idades, necesita interactuar co seu entorno. Polo tanto debemos buscar elementos que permitan tal interactividade, evitar as TV e centrarse en dispositivos táctiles. E dado que debemos fomentar ao máximo as capacidade motoras debemos evitar ao máximo o sedentarismo.

Antes dos 6 anos.

Os nenos necesitan crear con todos os dedos e non so cun clic. As ferramentas dixitais non son as mellores ferramentas para as necesidades dos nenos nestas idades.  Nestas idades construe a representación do espazo e debe polo tanto interactuar co espazo de maneira mais diversa posible, entrenando as habilidades propias. Debe primar polo tanto os xogos motrices antes que a repetición dun mesmo movemento ante unha pantalla (consola).

A partires dos 9 anos.
Comeza a navegar por internet. Débese ensinar o uso das ferramentas e  mostrarlle as limitación e os perigos. E mostar as tres regras básicas de internet:

• Todo o que se publica na rede é de dominio público.
• Todo o que se publica vai permanecer alí PARA SEMPRE.
• Todo o que atopemos en internet debe cuestionarse e necesita corroborarse con outras fontes.

A partires dos 12 anos.
O neno xa pode navegar só por internet pero non todo o tempo e nunca na súa habitación. Débese establecer controis horarios e de vez en cando botar un vistazo ao que está a facer. Outra das recomendacións é que se alternen momentos de socialización familar (falar coa familia)  con momentos de conexión,  pero nunca debe permitirse a coexistencia das charlas familiares e ao mesmo tempo estar conectado a rede.
É recomendable comer libre de telefono móbil e TV, os pais tamén.

Espero que vos sexa de utilidade.
Fonte:Xarxatic 

Nubes cargadiñas de datos

   Cada vez mais a “nube” cobra maior importancia nas nosas vidas tecnolóxicas. Xa fai un tempo que podemos traballar con moitas aplicacións “online” como si traballásemos en local no noso equipo.

Hoxe imos a falar do almacenamento na nube. Existen moitas formas de gardar os nosos arquivos nun espazo virtual na internet. Vexámos catro delas.

1.- DROPBOX 

     

  Teño que confesar que esta utilidade encántame. Ten unha versión de pago e outra gratuíta.

Se nos decidimos pola versión gratuíta contamos con 2 gb de capacidade inicial, pero con múltiples formas de ir aumentando a súa capacidade.  O servizo permite almacenar e sincronizar arquivos entre diferentes dispositivos, compartir arquivos e carpetas con outros usuarios e ata funcionar como un servidor web.

Dropbox permite deixar calquer arquivo nunha carpeta , ese arquivo é sincronizado na nube e o mellor de todo, en todas as computadoras onde teñamos instalado o dropbox. Os arquivos  na carpeta de dropbox poden ser compartidos con outros usuarios ou ben descargados cun enlace de descarga directa.

• Analise.

Ten pouca capacidade, pero esta pode ser ampliada dunha maneira sinxela.

A capacidade de sincronización automática entre equipos e maravillosa. Imaxinade poder traballar nun documento na casa e ao chegar ao traballo poder dispoñer del, seguir modificando ou imprimilo sen problema algún.

Pódese ter acceso aos arquivos dende o ordenador se temos instalados o cliente de dropbox  ou a través do navegador web.

2. MEGA.

O sitio de Kim Dotcom, o creador de megaupload. A conta básica e gratuíta ten 50 gb, ALUCINNATE. Isto pode romper a todos os demais sitios de almacenaxe.

• Analise.

Trátase dun servizo de almacenamento moi recente, as funcionalidades básicas non están moi claras. Polo que teño probado para traballar con el vía web recoméndovos utilizar Google Chrome. Co resto de navegadores producense bastantes erros na súbida.

3. GOOGLE DRIVE.

  É a opción de Google. Substitúe a Google Docs e amplía as funionalidades. Ofrece 5 gb de almacenamento gratuíto, se queremos ampliar esta cuota é necesario pagar.

• Analise.

Simplemente é unha mellora do gran Google Docs, permitindo a edición en liña e ampliando as plataformas chegando a Android.

Como é de supoñer integrase perfectamente en Gmail ou G+.

Moi recomendable, sobre todo polas funcionalidades de edición e a creación dos incribles formularios, agora con plantillas. Ideal para facer enquisas nos centro.

4.-ETCETER

 

É a gran descoñecida. Pero seguramente a mais creativa e completa. Xa que non so permite arquivar e compartir materiais senón que tamén admite  contido online ( direccións web, blogs, youtube, flickrs…).

A forma de almacenar é moi visual, e permite crear o que eles chaman “píldoras de conocimiento” para compartir con todo o mundo ou de maneira máis privativa.

Outra característica que a fai diferente é que esta feita en España.

KEN ROBINSON

Presentovos uns de vídeos,  de unhas conferencias nas que participou Sir Ken Robinson  un educador, escritor e conferenciante británico, experto en asuntos relacionados coa creatividade, a calidade do ensino, a  innovación e os recuros humáns.

Invitovos a escoitar e reflexionar.

PREZI, presentacións impresionantes

Prezi é unha aplicación web que nos permite entre outras cousas, facer presentacións con contido multimedia impresionantes.

Deixovos un pequeno exemplo. As posibilidades son enormes, poden insertarse todo tipo de contidos multimedia, poden crearse movementos na pantalla. Visitade PREZI, rexistrádevos é probádeo.